وقت کے کتنے ہی رنگوں سے گزرنا ہے ابھی
زندگی ہے تو کئی طرح سے مرنا ہے ابھی
کٹ گیا دن کا دہکتا ہوا صحرا بھی تو کیا
رات کے گہرے سمندر میں اترنا ہے ابھی
ذہن کے ریزے تو پھیلے ہیں فضا میں ہر سُو
جسم کو ٹوٹ کے ہر گام بکھرنا ہے ابھی
کون ہے جس کے لیے اب بھی دھڑکتا ہے دل
کس کو اس اجڑے جزیرے میں ٹھہرنا ہے ابھی
ایک اک رنگ اڑا لے گئی بے مہر ہوا
کتنے خاکے ہیں جنھیں شام جی، بھرنا ہے ابھی
محمود شام
Waqt ke kitne hi rangon se guzarna hai abhi
Zindagi hai to kaiy tarah se marna hai abhi
Kat gaya din ka dehekta hua sehra bhi to kia
Rat ke gehre samundar mein uterna hai abhi
Zehn ke reze to phaile hian fiza mein har su
Jism ko toot ke har gam bikhharna hai abhi
Kaun hai _ jis ke liye ab bhi dhadakta hai dil
Kis ko is ujde jazeere mein thehrna hai abhi
Aik ek rang uda le gaiy be mehr hawa
Kitne khake hain jinhen Sham ji, bharna hai abhi
Mehmood Sham
No comments:
Post a Comment