Ik Zameen , Aik Aasman Sahib Teesra Kyun Ho Darmian Sahib



اک زمیں، ایک آسماں صاحب
تیسرا کیوں ہو درمیاں صاحب

تجھ کو چھو لوں تو پھر یقیں آئے
تو حقیقت ہے یا گماں صاحب

نیتِ شوق باندھ لی میں نے
صحنِ دل میں ہوئی اذاں صاحب

زندگی پیچ دار رستوں پر
ڈھونڈتی ہے ترا نشاں صاحب

کوئی خواہش سلگتی رہتی ہے
اٹھتا رہتا ہے اک دھواں صاحب

اس کی اپنی زبان ہوتی ہے
پیار سمجھو نہ بے زباں صاحب

آج کہہ دوں میں حالِ دل عنبر
جاں کی پاؤں اگر اماں صاحب
فرحانہ عنبر
Farhana Amber


Comments

Popular posts from this blog

Mujh Se Meri Umar Ka Khasara Poochtay Hein Ya'ani Log Mujh Se Tumhara Poochtay Hein

Kisi Bashar Mein Hazar Khami Agar Jo Dekho Tou Chup Hi Rehna

Dukh Ye Hai Mera Yousaf o Yaqoob Ke Khaliq Woh Log Bhi Bichdey Jo Bichadnay Ke Nahi Thay