Daikh Paaye Tou Kare Koi Pazirai Bhi Main Tamasha Bhi Hon Aur Uska Tamashai Bhi

دیکھ پائے تو کرے کوئی پذیرائی بھی
میں تماشہ بھی ہوں اور اس کا تماشائی بھی
Daikh Paaye Tou Kare Koi Pazirai Bhi
Main Tamasha Bhi Hon Aur Uska Tamashai Bhi

 
کون سمجھے مری آبادی و ویرانی کو
جھیل کی سطح پہ کشتی بھی ہے اور کائی بھی
Kon Samjhe Meri Aabadi o Weerani Ko
Jheel Ki Satah Peh Kashti Bhi Hai Aur Kaai Bhi

 
قفس وصل میں سب شور ہمارا تو نہیں
پھڑپھڑاتا ہے بہت طائر تنہائی بھی
Qafas Wasal Mein Sab Shor Humara Tou Nahi
Phadphadata Hai Buhat Taair Tanhaai Bhi

 
اب اداسی کسی دیرینہ نشے کے مانند
میری کمزوری بھی ہے اور توانائی بھی
Ab Udasi Kisi Dereena Nashay Ke Manind
Meri Kamzory Bhi Hai Aur Tawanai Bhi

 
کتنی لہریں تھیں جو مشترکہ تھیں ہم دونوں میں
سو ترے ساتھ ہوئی کم مری گہرائی بھی
Kitni Lehrein Thein Jo Mushtareka Thein Hum Donon Mein
So Tere Saath Hoi Kam Meri Gehrai Bhi

 
اب میں کانوں پہ رکھوں ہاتھ کہ آنکھوں پہ رکھوں
شور اتنا ہے کہ لے جائے گا بینائی بھی
Ab Main Kanon Peh Rakhon Haath Keh Aankhon Peh Rakhon
Shor Itna Hai Keh Le Jaye Ga Beenai Bhi

 
میں نے تحفے میں نئے رنج کی چادر شارقؔ
صرف لائی ہی نہیں، خود اسے پہنائی بھی
Main Ne Tuhfy Mein Naye Ranj Ki Chadar Shariq
Siraf Laai Hi Nahi , Khud Usay Pehnai Bhi

 
سعید شارقؔ
Saeed Shariq