Khud Se Rothon Tou Kai Roz Na Khud Se Bolon Phir Kisi Dard Ki Deewar Se Lag Kar Ro Loon

خود سے روٹھوں تو کئی روز نہ خود سے بولوں
پھر کسی درد کی دیوار سے لگ کر رو لوں
Khud Se Rothon Tou Kai Roz Na Khud Se Bolon
Phir Kisi Dard Ki Deewar Se Lag Kar Ro Loon
تو سمندر ہے تو پھر اپنی سخاوت بھی دکھا
کیا ضروری ہے کہ میں پیاس کا دامن کھولوں

میں کہ اک صبر کا صحرا نظر آتا ہوں تجھے
تو جو چاہے تو تیرے واسطے دریا رو لوں

اور معیار رفاقت کے ہیں _ ایسا بھی نہیں
جو محبت سے ملے، ساتھ اسی کے ہو لوں

خود کو عمروں سے مقفل کیے بیٹھا ہوں فرازؔ
وہ کبھی آئے تو خلوت کدۂ جاں کھولوں
احمد فرازؔ
Ahmad Faraz