Bhari Hai Gham Ki Raat , Koi Aur Baat Kar Sun Ae Shikast e Zaat , Koi Aur Baat Kar

بھاری ہے غم کی رات، کوئی اور بات کر
سن اے شکستِ ذات، کوئی اور بات کر
Bhari Hai Gham Ki Raat , Koi Aur Baat Kar
Sun Ae Shikast e Zaat , Koi Aur Baat Kar
مجھ سے تُو پوچھتا ہے مری زندگی کا حال
اے گمشدہ حیات کوئی اور بات کر

ملتا نہیں ہے جو بھی بچھڑتا ہے ایک بار
چل شہرِ ممکنات کوئی اور بات کر

میں نے کہا کہ مجھ کو وفا کی تلاش ہے
بولی یہ کائنات کوئی اور بات کر

تُو میرے دل کے خون پہ ہمدردیاں نہ کر
رنگیں ہیں تیرے ہاتھ کوئی اور بات کر

بس ختم کر یہیں پہ کسی بیوفا کا ذکر
یاد آئی دل کی مات، کوئی اور بات کر

آیا وہ پھر سے چھوڑ کے جانے کے واسطے
تسکین ِ بے ثبات کوئی اور بات کر