Jo Meri Aakhiry Khuwahish Ki Tarjuman Thehry Woh Aik Gharat Jan Hi Mata Jan Thehry

جو میری آخری خواہش کی ترجماں ٹھہری
وہ ایک غارت جاں ہی متاع جاں ٹھہری
Jo Meri Aakhiry Khuwahish Ki Tarjuman Thehry
Woh Aik Gharat Jan Hi Mata Jan Thehry
یہ غم نہیں کہ مرا آشیاں رہا نہ رہا
خوشی یہ ہے کہ یہیں برق بے اماں ٹھہری

وہ تیری چشم فسوں ساز تھی کہ موج کرم
وہیں وہیں پہ میں ڈوبا جہاں جہاں ٹھہری

کبھی تھے اس میں مری زندگی کے ہنگامے
وہ اک گلی جو گزرگاہ دشمناں ٹھہری

وہی تھی زیست کا حاصل، وہی تھی لطف حیات
وہ ایک ساعت رنگیں جو بیکراں ٹھہری

میں اس کو بھول بھی جاؤں تو کس طرح ناصرؔ
جو شرط خاص مرے ان کے درمیاں ٹھہری
ناصرؔ زیدی
Nasir Zaidi