Ab samundar hai koi aur na dariya mera Raasta dekh raha hai kahin sehra mera
اب سمندر ہے کوئی اور نہ دریا میرا
راستہ دیکھ رہا ہے کہیں صحرا میرا
Ab samundar hai koi aur na dariya mera
Raasta dekh raha hai kahin sehra mera
منزل ِ خواب ہے یا کوئی قیامت کی گھڑی
اُس کی آنکھوں نے پہن رکھا ہے چہرہ میرا
Manzil e khwab hai ya koi qayamat ki ghhari
Us ki ankhon ne pehn rakha hai chehra mera
دِل کی باتیں سر بازار لیے پِھرتی ہیں
پڑھ لیا جب سے ہواؤں نے ہے قِصہ میرا
Dil ki baten sar e bazar liye phirti hain
Parh lia jab se hawaon ne hai qissa mera
اُس کی یادوں سے کہو، ہاتھ پکڑ لیں آ کر
گُم ہوا جاتا ہے تاریکی میں سایہ میرا
Us ki yadon se kaho, hath pakar len aa kar
Gum hua jata hai tareeki mein saya mera
عمر کے سیل ِ رواں سے مجھے کیا لینا ہے
ایک لمحہ تھا بہت اور وہ لمحہ میرا
Umr ke sail e ravan se mujhe kia lena hai
Aik lamha tha bohat aur wo lamha mera
Comments
Post a Comment