Ishq pagal na kar judaiy hai Ay mere humsafar, judaiy hai

عشق پاگل نہ کر جدائی ہے
اے مرے ہمسفر، جدائی ہے
Ishq pagal na kar judaiy hai
Ay mere humsafar, judaiy hai

بات بنتی نظر نہیں آتی
آج پیشِ نظر جدائی ہے
Bat banti nazar nahi ati
Aj pesh e nazar judaiy hai

تجھ سے ملنے کی ہر تگ و دو میں
جتنے چھانے ڈگر جدائی ہے
Tujh se milne ki har tag o dau mein
Jitne chhaane dagar judaiy hai

زخم سینے لگے بدن میرا
ناصحا، چارہ گر، جدائی ہے
Zakhm seene lage badan mera
Nasiha, charah gar judaiy hai

مان لی ہم نے مات الفت میں
اس میں پہلا ہی ڈر جدائی ہے
Maan li hum ne maat ulfat mein
Is mein pehla hi dar judaiy hai

بند آنکھوں میں عکس ہے تیرا
آنکھ کھولوں اگر، جدائی ہے
Band ankhon mein aks hai tera
Ankh khholoon agar, judaiy hai

مجھ سے پوچھو نہ حالِ دل لوگو
میرا رختِ سفر جدائی ہے
Mujh se poochho na haal e dil logo
Mera rakht e safar judaiy hai

سب تماشے ہیں وصل کے جھوٹے
اصل میں معتبر جدائی ہے
Sab tamashe hain wasl ke jhoote
Asl mein motabir judaiy hai

کیوں کِرن ڈھونڈتی ہو سایہ تم
پیار کا ہر شجر جدائی ہے
Kyun Kiran dhoondti ho saya tum
Pyar ka har shajar judaiy hai

اسماء کِرن
Asma Kiran