Meri Tahreer Ki Zad Mein Abhi Toh Kuch Nahi Aaya Mujhe Jo Kuch Bhi Kehna Tha Abhi Main Keh Nahi Paya

میری تحریر کی زد میں ابھی تو کچھ نہیں آیا
مجھے جو کچھ بھی کہنا تھا ابھی میں کہہ نہیں پایا
میری تحریر کی زَد میں ابھی تو کچھ نہیں آیا
Meri Tahreer Ki Zad Mein Abhi Toh Kuch Nahi Aaya
Mujhe Jo Kuch Bhi Kehna Tha Abhi Main Keh Nahi Paya
ابھی وه کرب لکھنا ہے جسے محسوس کرتا ہوں
ابھی وه خواب لکھنے ہیں جو ان آنکھوں میں پلتے ہیں
مجھے اُن کو بھی لکھنا ہے جہنیں میں ڈھونڈ نه پایا
ابھی وه لوگ لکھنے ہیں جو کھو کر ہاتھ ملتے ہیں
ابھی وه اشک لکھنے ہیں کبھی جو کہہ نہیں پایا
میری تحریر کی زد میں ابھی تو کچھ نہیں آیا

ابھی تو وه سفر لکھنا ہے جو درپیش ہے مجھ کو
ابھی تو تم کو اپنی پیاس کا صحرا دکھانا ہے
ابھی تو ہجر کی لکھنی ہیں ساری ماتمی راتیں
ابھی تو ایسے لمحے بھی تمہیں آ کر سنانا ہے
کہ جن سے اشک آنکھوں میں مگر اس دل کو بہلایا
میری تحریر کی زد میں ابھی تو کچھ نہیں آیا
فرحت کیانی
Farhat Kiani