Tumhein Bhi Rah e Tamanna Mein Koi Dhool Kare Tumhare Dil Peh Khuda Ishq Ka Nazool Kare

تمہیں بھی راہِ تمنا میں کوئی دھول کرے
تمہارے دل پہ خدا عشق کا نزول کرے
Tumhein Bhi Rah e Tamanna Mein Koi Dhool Kare
Tumhare Dil Peh Khuda Ishq Ka Nazool Kare
مجھے تو سانس بھی ڈر ڈر کے لینا پڑتی ہے
زمانہ تاک میں رہتا ہے، کوئی بھول کرے

جھکانا چاہتے ہیں آپ اپنے دشمن کو
یہ کام تِیر کے کرنے سے پہلے پھول کرے

بڑا ہی ناز رہا ہوگا خال و خد پہ اسے
مگر وہ لوگ جنہیں آئینہ ملول کرے

مجھے تو اس پہ بہرحال پیار آتا ہے
کرے گلاب مری راہ یا ببول کرے

دیارِ عشق میں آنا نہ چاہتے تھے کبھی
اب آ گئے تو خدا حاضری قبول کرے
کومل جوئیہ
Komal Joya