Ye vadere ki pur asrar haveli to nahi Zindagi talks sahi, koi paheli to nahi

یہ وڈیرے کی پر اسرار حویلی تو نہیں
زندگی تلخ سہی کوئی پہیلی تو نہیں
Ye vadere ki pur asrar haveli to nahi
Zindagi talks sahi, koi paheli to nahi

اشک، تنہائی، تری یاد، کتابیں وحشت
ایک لشکر ہے مرے ﺳاتھ، اکیلی تو نہیں
Ashk, tanhaiy, teri yad, kitaben, wehshat
Aik lashkar hai mere sath akeli to nahi

دل کے بہلانے کو ہوتے ہیں کئی خواب حسیں
ان کھلونوں سے مگر میں کبھی کھیلی تو نہیں
Dil ke behlane ko hote hain kaiy khwab haseen
In khhilonon se magar main kabhi khheli to nahi

میں کہیں جاؤں، مرے ساتھ رہا کرتی ہے
یہ اداسی مری بچپن کی سہیلی تو نہیں
Main kahin jaoun, mere sath raha karti hai
Ye udasi mere bachpan ki saheli to nahi

ایسی بے رنگ کہ بلقیس گماں ہوتا ہے
زندگی دخترِ مفلس کی ہتھیلی تو نہیں
Aisi be rang ke Bilqees guman hota hai
Zindagi dukhtar e muflis ki hatheli to nahi

بلقیس خان
Bilqees Khan