Zard Chehre Peh Khush Libas Aankhein Khoob Hansti Hein Maho Yas Aankhein

زرد چہرے پہ خوش لباس آنکھیں
خوب ہنستی ہیں محو یاس آنکھیں
Zard Chehre Peh Khush Libas Aankhein
Khoob Hansti Hein Maho Yas Aankhein
عید کا چاند ہے تو اور تیری
راہ تکتی ہیں بارہ ماس آنکھیں

روح کو روح سے ہو کیسے عشق
نہ تو دل ہے، نہ اس کے پاس آنکھیں

ہر نظر کو نصیب کیوں ہوں ہم
ہم کو دیکھیں وہی دو خاص آنکھیں

ذہن کرتا ہے تیرے گرد طواف
جب نہ ہوں تیرے آس پاس آنکھیں

میری آنکھوں میں صرف تیرے خواب
خوابؔ کی منتظر پچاس آنکھیں
وبھا جین خوابؔ
Weha Jain Khuwab