Bara Hi Tujhe Kaha Tha Mujhe Apna Na Bana

 

Poet Wasi Shah

 

Bara Hi Tujhe Kaha Tha Mujhe Apna Na Bana,

Ab Mujhe Chor K Dunia Mein Tamasha Na Bana,

Na Dikha Paye Ga Too Khawab Meri Aankhon K,

Ab Bhi Kehta Hon Musawir Mera Chehra Na Bana,

Aik Yehi Gham Mere Marne K Liye Kafi Hai,

Jaisa Ton Chahta Tha Mujh Ko Main Waisa Na Bana,

Aik Bat Aur Patay Ki Main Bataon Tujh Ko,

Aakhrat Banti Chali Jaye Gi Dunia Na Bana,

Ye Khuda Ban K Reayat Nahi Karte Hain, WASI

Husn Walon Ko Kabhi Qibla-o-Qaba Na Bana...............!