Ek Qatra Malal Bhi Boya Nahi Gia

 

Poet Farhat Abas Shah

 

Ek Qatra Malal Bhi Boya Nahi Gia,

Wo Khaof Tha K Logon Se Roya Nahi Gia,

Ye Sach Hai K Teri Bhi Neendain Ujar Gain,

Tujh Se Bichar K Hum Se Bhi Soya Nahi Gia,

Us Rat Too Bhi Pehle Sa Apna Nahi Laga,

Us Rat Khul K Mujh Se Bhi Roya Nahi Gia,

Daman Hai Khushk Aankh Bhi Chup Chaap Hai Bahut,

Larion Mein Aansoo'n Ko Paroya Nahi Gia,

Alfaz Talkh Bat Ka Andaz Sard Hai,

Pichla Malal Aaj Bhi Goya Nahi Gia,

Ab Bhi Kahein Kahein Pe Hai Kalak Lagi Hoi,

Ranjish Ka Dagh Theek Se Dhoya Nahi Gia...............!