Usay Kehna Bicharne Se Mohabbat To Nahi Marti

 

Poet Wasi Shah

 

Usay Kehna Bicharne Se Mohabbat To Nahi Marti,

Bichar Jana Mohabbat Ki Sadaqt Ki Alamat Hai,

Mohabbat Ek Fitrat Hai Han Fitrat Kab Badaltai Hai,

So Jab Hum Door Ho Jain

Naye Rishton Mein Kho Jain,

To Ye Mat Soch Lena Tum

K Mohabbat Mar Gai Ho Gi,

Nahi Aise Nahi Ho Ga Mere Bare Mein,

Gar Tumhari Ankhain Bhar Aain,

Chalak Kar Ek Bhi Aanso

Palak Pe Jo Utar Aaye,

To Bas Itna Samajh Lena Jo Mere Naam Se,

Itni Tere DIL Ko Aqeedat Hai,

Tere Dil Mein Bichar Kar Bhi Abhi Meri Mohabbat Hai,

Mohabbat To Bichar Kar Bhi Sada Abad Rehti Hai,

Mohabbat Ho Kisi Se To Hamesha Yad Rehti Hai,

Mohabbat Waqt K Be Reham Tofan Se Nahi Darti,

Usay Kehna Bicharne Se

Mohabbat To Nahi Marti.........!