Rait se but na bana ay mere ache fankar

 

Poet Ahmad Nadeem Qasmi

Type By

 

 *Red.Rose*

 

Rait se but na bana ay mere ache fankar

ek lamhe ko thehr main tujhe pathar la don

main tere samne ambaar laga don lekin

kon se rang ka pathar tere kam aye ga

surkh pathar jise dil kahti hai bedil dunia

ya wo patharai hoi aankh ka neela pathar

jis mein sadion k tahayour k pare hon

dore kia tujhe roh k pathar ki zaroorat ho gi

jis pe haq bat bhi pathar ki tarah girti hai

ik wo pathar hai jise kahte hain tahazib-e-safed

us k marmar main siyah Khoon jhalak jata hai

ik insaf ka pathar bhi to hota hai magar

hath mein tesha-e-zar ho to wo hath ata hai

jitne mayar hain is dour k sab pathar hain

sher bhi raqs bhi tasvir-o-gina bhipatthar

mere ilham tera zahan-e-rasa bhi pathar

is zamane main har fan ka nishan pathar hai

hath pathar hain tere meri zuban pathar hai

rait se but na bana ay mere ache fankar.