Wo Jo Asbab-E-Safar Bunta Hai

 

Poet Mohsin Naqvi

 

Wo Jo Asbab-E-Safar Bunta Hai,

Wohi Daria Mein Bhanwar Bunta Hai,

Karhta Hai Jo Zameeno Pe Gulab,

Wo Shabon Mein Sharar Bunta Hai,

Banta Tha Jo Andheron K Ghilaf,

Ab Wo Kirno Se Sahar Bunta Hai,

Aag Dekhi Nahi Shayad Us Ne,

Khushk Tinkon Se Jo Ghar Bunta Hai,

Kis Ne Kholi Hai Teh-E-Aab-E-Dukaan,?

Sheip Mein Kon Gehar Bunta Hai,

Jis Ki Ujrat Hai Shab-O-Roz Ki Bhookh,

Kaar Khane Mein Wo Zar Bunta Hai,!

Zehan Ujre Howe Logon Ki Tarha,

Roz Ek Taza Nagar Bunta Hai,!

Chun K Tooti Hoi Sansain MOHSIN,

Fikar Malboos-E-Hunar Bunta Hai..................!