Hai Mohabbat Azaab Barbadi

 

Poetess Noshi Gilani 

 

Hai Mohabbat Azaab Barbaadi

Dil Ko Ye Baat Kis Ne Samjha Di

Be-Wafai Ne Khaak Kar Daali

Chaahaton Ki Hari Bhari Daali

Ik Shab Vasl Ki Guzaarish Thi

Us Ne Tasveer Apni Bhijva Di

Tere Gham Ki Jazeerah-e-Dil Mein

Phailti Jaa Rahi Hai Aabaadi

Kis Qadar Baanjh Hoti Jaati Hai

Takht-e-Ikhlaas Teri Shehzaadi

Waqt Zaalim Tha Meri Har Khwaahish

Us Ne Deewaar-e-Gham Mein Chunwa Di............!