Suna Karo Meri Jan In Se Un Se Afsane

 

 

Poet Kaifi Azmi 

 

Suna Karo Meri Jan In Se Un Se Afsane

Sab Ajnabi Hain Yahaan Kon Kis Ko Pehchane

Yahan Se Jald Guzar Jao Qafle Walo

Hain Meri Piyas K Phoonke Howe Ye Weerane

Mere Janoon-e-Parastish Se Tang Aa Gaye Log

Suna Hai Band Kiye Ja Rahe Hain But-Khane

Jahan Se Pichle Pehr Koi Tashna Kam Utha

Wahin Pe Tore Hain Yaaron Ne Aj Paimane

Bahar Aaye To Mera Salam Keh Dena

Mujhe To Aj Talab Kar Lia Hai Sehra Ne

Siva Hai Huqam Ki KAIFI Ko Sang-Saar Karo

Maseeha Baithe Hain Chhup K Kahan Khuda Jaane.........!