Rat Aai Hai Balaon Se Rehai De Gi

 

 

Poet Anwar Masood 

 

Rat Aai Hai Balaon Se Rehai De Gi,

Ab Na Deewar Na Zanjeer Dekhai De Gi

Waqt Guzra Hai Par Mosam Nahi Badla Yaro,

Aisi Gardish Hai Zameen Khud Bhi Duhai De Gi,

Ye Dhundla Ka Sa Jo Hai Us Ko Ghaneemat Jano,

Dekhna Phir Koi Soorat Na Sujhai De Gi,

Dil Jo Toote Ga To Ek Tarfa Tamasha Ho Ga,

Kitne Aainon Mein Ye Shakal Dekhai De Gi,

Sath K Ghar Mein Bara Shor Barpa Hai,

ANWAR

Koi Aaye Ga To Dastak Na Sunai De Gi.........................!