Shaoor-e-Zaat Ne Ye Rasm Bhi Nibaahi Thi

 

 

Poet Shahzad Ahmad 

 

Shaoor-e-Zaat Ne Ye Rasm Bhi Nibaahi Thi

Us Hi Ko Qatal Kiya Jis Ne Khair Chaahi Thi ..*

Wo Jis Ko Aankh Ka Surma Bana Liya Hum Ne Hamaray Naama-e-Aamal

Ki Siyaahi Thi ..*

Tum Hi Batao Ke Mein Apnay Haq Mein Kya Kehta

Meray Khilaf Bharay

Shehar Ki Gavahi Thi ..*

Kayi Chiraagh Nihaan Thay

Chiraagh Ke Peechay

Jisay Nigaah Samajhtay Ho Kam Nigaahi Thi ..*

Ek Iztiraab Jisay Chand Se Kiya Mansoob Wo Madd O Jazr Samandar Ki Be'Panaahi Thi ..*

Teray Hi Lashkariyon Ne Usay Ujaar Diya

Wo SirZameen Ke Jahan Teri Badshaahi Thi ..*

Isi Liye To Zamanay Se Be'Niyaz Tha Mein

Meray Wujood Ke Andar Meri Tabaahi Thi ..*

Jahaan Mein Tairgiyan Gard-e-Kaarvan Ki Tarhan

Yeh Roshni Bhi Unhi Raaston Ki Raahi Thi ..*

Zara Si Dair Mein Manzar Badal Gaya Itna

Na Kaj'Kalah Tha Baaqi Na Kaj'Kalaahi Thi ..*

Laga Diya Tha Har Ek Shaey Ko Daao Per Mein Ne

Bohat Azeez Mujhay Apni Khair Khuwahi Thi ..*

Tera Karam Hai Ke Tu Ne Mujhay Ata Kar Di

Woh Zindagi Jo Kisi Aur Ne Na Chaahi Thi ..*

Hamen To Pal Ki Bhi Fursat Nahi Mili SHEHZAD

Azab-e-Shab Tha Kabhi Aah-e-Subh'e Gaahi Thi..!