Udas Dil Ki Udas Batain

 

==========

Udas Batain

==========

 

Udas Dil Ki Udas Batain,

Samajhne Wala Koi To Hota,

K Jis Ki Baton Se Dil Sambhalta,

K Jis Ki Sangat Mein Dil Behalta,

K Jis Ki Halki Si Ek Jhalak Bhi,

Hamare Dukh Ko Samait Deti,

Falak Se Khushian Undail Deti,

Ya Us Ki Nazuk Ki Muskarahat,

Hamare Din Ki Sabhi Thakawat Ko Door Karti,

Ya Phir Chamakti Wo Ankhain Us Ki,

Humari Hasti Ka Raaz Hota,

Humare Dukh Ki Kitab Hota,

Jo Hum Ko Chahta Jo Hum Ko Parhta,

Guzarte Lamhon Ki Sakhtion Mein,

Koi To Nazuk Mizaj Hota...............!