Wo Kehte Hain Ranjish Ki Batein Bhula Dein

Wo Kehte Hain Ranjish Ki Batein Bhula Dein,

Mohabbat Karain Khush Rahein Muskara Dein,

Jawani Ho Gar Javidani To Ya Rab,

Teri Sada Dunia Ko Janat Bana Dein,

Shab-E-Wasl K Be khudi Cha Rahi Hai,

Kaho To Sitaron Ki Shamain Bujha Dein,

Tum Afsana-E-Qais Kia Poochte Ho,

Idhar Aao Hum Tum Ko Laila Bana Dein,

Baharein Simat Aai Khil Jain Kalian,

Jo Hum Tum Chaman Mein Kabhi Muskara Dein,

Wo Aain Gay AaJ Aaye Bahar-E-Mohabbat,

Sitaron K Bistar Mein Kalian Bicha Dein.