Iss Zindagi Se Piyar Ke Lamhaat Kaat Kar,Tum Ne Toh Rakh Diye Hain Mere Haath Kaat Kar

اس زندگی سے پیار کے لمحات کاٹ کر
تم نے تو رکھ دیئے ہیں مرے ہات کاٹ کر

عزت کے ساتھ آنکھ سے ہوتے نہیں بری
کچھ قیدی بھاگتے ہیں حوالات کاٹ کر

اک آدھ بار میں نے اسے ٹوک بھی دیا
شرمندہ وہ ہوا نہ مری بات کاٹ کر
اس شہر میں بہت سے مضافات ضم ہوئے
کالونیاں بنا لی ہیں باغات کاٹ کر
مجھ کو سمجھ کہانی کی آتی ہے دیر سے
میں فلم دیکھتا نہیں نغمات کاٹ کر
محبوب شور کم نہیں کمرے کا ہو سکا
مہمان تو چلے گئے ہیں رات کاٹ کر
خالد محبوب