Jaam Takrao ! Waqt Na-Zuk Hai Rang Chalkao ! Waqt Na-Zuk Hai (Saghar Siddiqui)

Jaam Takrao ! Waqt Na-Zuk Hai
Rang Chalkao ! Waqt Na-Zuk Hai

Hasraton Ki Haseen Qabron Par
Phool Barsao ! Waqt Na-Zuk Hai

Ik Fareb Aur Zindagi Ke Liye
Haath Phailao ! Waqt Na-Zuk Hai

Rang Udne Laga Hai Phoolon Ka
Ab Tou Aa Jao ! Waqt Na-Zuk Hai

Tishnagi Tishnagi ! Ary Tauba
Zulf Lehrao ! Waqt Na-Zuk Hai

Bazm-e-"SAGHAR" Hai Gosh-Bar-Aawaaz
Kuch Tou Farmao ! Waqt Na-Zuk Hai

Poet:Saghar Siddiqui