بھت عرصہ گنہگاروں میں پیغمبر نہیں رہتے
کہ سنگ و خشت کی بستی میں شیشہ گر نہیں رہتے
کہ سنگ و خشت کی بستی میں شیشہ گر نہیں رہتے
Buhat Arsa Gunahngaron Mein Paighambar Nahi Rehte
Keh Sang o Khasht Ki Basti Mein Sheesha-Gar Nahi Rehte
ادھوری ہر کہانی ہے یہاں ذوقِ تماشہ کی
کبھی نظریں نہیں رہتیں، کبھی منظر نہیں رہتے
Adhoori Har Kahani Hai Yahan Zaoq e Tamasha Ki
Kabhi Nazren Nahi Rehti Kabhi Manzar Nahi Rehte
بہت مہنگی پڑے گی پاسبانی تم کو غیرت کی
جو دستاریں بچا لیتے ہیں ان کے سر نہیں رہتے
Buhat Mehingi Padegi Pasbani Tum Ko Ghairat Ki
Jo Dastarein Bacha Laite Hain Unke Sar Nahi Rehte
مجھے نادم کیا کل رات دروازے نے یہ کہ کر
شریف انسان گھر سے دیر تک باہر نہیں رہتے
Mujhe Nadim Kia Kal Raat Darwaze Ne Ye Keh Kar
Shareef Insan Ghar Se Der Tak Bahir Nahi Rehte
خود آگاہی کی منزل عمر بھی ان کو نہیں ملتی
جو کوچہ گرد اپنی ذات کے اندر نہیں رہتے
Khud Aagahi Ki Manzil Umar Bhi Unnko Nahi Milti
Jo Koocha Gard Apni Zaat Ke Andar Nahi Rehte
پٹخ دیتا ہے ساحل پر سمندر مردہ جسموں کو
زیادہ دیر تک اندر کے کھوٹ اندر نہیں رہتے
Patakh Deta Hai Sahil Par Samandar Murda Jismon Ko
Ziyada Der Tak Andar Ke Khot Andar Nahi Rehte
بجا ہے زعم سورج کو بھی نازؔ اپنی تمازت پر
ھمارے شہر میں بھی موم کے پیکر نہیں رہتے
Baja Hai Za'am Soraj Ko Bhi NAZ Apni Tamazat Par
Humare Shehr Mein Bhi Mom Ke Paikar Nahi Rehte
نازؔ خیالوی
Naaz Khayalvi
No comments:
Post a Comment