Saqi Pee Ke Tere Haath Se Mastana Banon Wajad Mein Raqs Kunan Soorat Paimana Banon

بیدمؔ

BEDAM

 
ساقی پی کے تِرے ہاتھ سے مستانہ بنُوں

وجد میں رقص کناں صُورتِ پیمانہ بنُوں

Saqi Pee Ke Tere Haath Se Mastana Banon

Wajad Mein Raqs Kunan Soorat Paimana Banon


لیلیٰ پردہ نشیں ہو کبھی قیس عُریاں

شمعِ محفِل ہُوں کبھی اور کبھی پروانہ بنُوں

Laila Pardah Nasheen Ho Kabhi Qais Uryan

Shamma e Mehfil Hoon Kabhi Aur Kabhi Parwana Banon


سر تاپا نظرِ شوق کی پتلی بن کر

محوِ دیدارِ جمالِ رُخِ جانانہ بنُوں

Sar Ta Paa Nazar e Shouq Ki Putli Ban Kar

Maho e Deedar e Jamal e Rukh e Janaana Banon

میرا دم قُلْقُلِ مِینا کی صدا پر نِکلے

خاک بھی ہؤں تو غُبارِ رہِ میخانہ بنُوں

Mera Dum Qulqul e Meena Ki Sada Par Niklay

Khaak Bhi Hoon Tou Ghubar e Rah e Maikhana Banon


بن چُکے بندۂ بُت حضرتِ بیدمؔ اب کیا

اِس کو پہلے ہی سمجھتے تھے بنُوں یا نہ بنُوں

Ban Chukay Bandah e Butt Hazrat e BEDAM Ab Kia

Isko Pehle Hi Samajhtay Thay Banon Ya Na Banon

سراج الدین بیدمؔ شاہ وارثی 

Sirajudin Bedam Shah Warsi

 

آرزوؔ 

AARZOO

خاک ہو کر بھی نُمائِندۂ میخانہ بنُوں 

کبھی خوش وضع صُراحی کبھی پیمانہ بنُوں

Khaak Ho Kar Bhi Numainda e Maikhana Banon 

Kabhi Khush Waza Surahi Kabhi Paimana Banon

اللہ اللہ فریبِ رُخِ زیباۓ صنم 

کعبۂ دِل کو بھی حسرت ہے صنم خانہ بنُوں

ALLAH ALLAH Faraib e Rukh e Zaiba e Sanam 

Kaaba e Dil Ko Bhi Hasrat Hai Sanam Khana Banon

اِمتِحانِ عِشق میں منظُور ہے غم خواروں کا 

اِک زرا ہوش میں آجاؤں تو دیوانہ بنُوں

Imtehan e Ishq Mein Manzoor Hai Gham-Khuwaron Ka 

Ik Zara Hosh Mein Aa Jaoun Tou Deewana Banon

 
اے فلَک میرے لیے ہے اِسی پستی میں عُرُوج 

تُو مِٹا مُجھ کو مَیں خاکِ دَرِ جانانہ بنُوں

Aey Falak Mere Liye Hai Isi Pasti Mein Urooj 

Tu Mita Mujh Ko Main Khaak e Dar e Janana Banon

آب و گِل میں ہے نِہاں سوزِ فِراق ساقی 

پُختہ ہو جاؤں تو خِشتِ خُمِ میخانہ بنُوں

Aab o Gil Mein Hai Nihan Soz e Firaq Saqi 

Pukhta Ho Jaoun Tou Khasht e Khum e Maikhana Banon

 
بزمِ ہستی میں ہے جلانے سے جلنا اچھّا 

شمع بننے سے یہ بہتر ہے کہ پروانہ بنُوں

Bazm e Hasti Mein Hai Jalane Se Jalna Acha 

Shamma Ban'nay Se Ye Behtar Hai Keh Parwana Banon

عِشق ہے جُرم اگر جُرمِ سزاوار سزا 

آرزُوؔ اب مفر اِس میں ہے کہ دیوانہ بنُوں

Ishq Hai Jurm Agar Jurm e Sazawar Saza 

AARZOO Ab Mafar Is Mein Hai Keh Deewana Banon

سیّد انوار حسین آرزُوؔ لکھنوی 

Sayed Anwaar Husain Aarzoo Lakhnavi

 

فناؔ
FANA

 
جو تِرے حُسن پہ مٹ جائے وہ پروانہ بنُوں 

میرے جاناں مَیں تِرے عِشق کا افسانہ بنُوں

Jo Tere Husn Pe Mit Jaye Woh Parwana Banon 

Mere Janan Main Tere Ishq Ka Afsana Banon

بندَگی کا وہ سلِیقہ دے مُجھے بندَہ نواز 

مِٹ بھی جاؤں تو مَیں سنگِ دَرِ جانانہ بنُوں

Bandagi Ka Woh Saleeqa Day Mujhe Banda Nawaz 

Mit Bhi Jaoun Tou Main Sang e Dar e Janana Banon

 
عِشق نے کر دیا مجبُور یہاں تک مُجھکو 

جان اُس بُت پہ فِدا کر کے مَیں بُت خانہ بنُوں

Ishq Ne Kar Diya Majboor Yahan Tak Mujh Ko 

Jaan Us Butt Pe Fida Kar Ke Main Butt-Khana Banon

 
اِتنی چاہت ہے مُجھے اے مِرے محبُوب تِری 

تو جو بن جائے صنم میں بھی صنم خانہ بنُوں

Itni Chahat Hai Mujhe Aey Mere Mahboob Teri 

Tu Jo Ban Jaye Sanam Main Bhi Sanam Khana Banon

 
عِشقِ محبُوب کُچھ اِس طرح مِٹائے مُجھکو 

اے فناؔ ہو کے فنا جلوۂ جانانہ بنُوں

Ishq e Mahboob Kuch Is Tarah Mitaye Mujh Ko 

Aey FANA Ho Ke Fana Jalwah e Janana Banon

 
حنیف مُحَمَّد فناؔ بلند شہری 

Haneef Muhammad Fana Buland Shehri