کسی رنگ ساز کی ماں نے کہا بیٹا اُٹھو نا۔۔ ناشتہ کرلو
کہ قسمت میں لِکھے دانوں کو چُگنے کے لئے بیٹا
پرندے گھونسلوں سے اُڑ چکے ہیں تم بھی اُٹھ جاؤ
خُمارِ نیند میں ڈُوبا ہوا بیٹا تڑپ اُٹھا
ارے ماں آج چُھٹی ہے ذرا سی دیر سونے دے
مِر ی آنکھوں کے تارے کون سی چُھٹی بتا مُجھ کو۔۔؟؟
ارے ماں!! آج دُنیا بھر میں مزدوروں کا چرچا ہے
میں پچھلے سال بھی گھنٹوں برش لے کر تو بیٹھا تھا
کوئی بھی آج کے دِن ہم کو مزدوری نہیں دیتا
میں پیدل چل کے چورنگی پہ جا بیٹھوں گا لیکن ماں
تِرے تو عِلم میں ہو گا کہ پیدل چلنے پِھرنے سے
تِرے اِس لال کو اے ماں غضب کی بھوک لگتی ہے
تو بہتر ہے مُجھے تُو ناشتہ کُچھ دیر سے دے دے
صبح دِن رات کے ہم تین کھانے روز کھاتے ہیں
جو آٹا دِن کی روٹی کا بچے گا رات کھا لیں گے
یہ مزدوروں کا دِن ہے اِس پہ مزدوری نہیں مِلتی
ذرا سی دیر سونے دے مُجھے بھی دِن منانے دے
عابی مکھنوی
Kisi Rangsaaz Ki Maa Ne Kaha Beta Utho Na ... Nashta Kar Lo
Keh Qismat Mein Lekhay Dano Ko Chugnay Ke Liye Beta
Parenday Ghonslon Se Ud Chukay Hein Tum Bhi Uth Jao
Khumar e Neend Mein Dooba Hoa Beta Tadap Utha
Are Maa Aaj Chutti Hai Zara See Der Sone Do
Meri Aankhon Ke Tare Kon See Chutti Bata Mujh Ko???
Are Maa !! Aaj Dunya Bhar Mein Mazdooron Ka Charcha Hai
Main Pichly Saal Bhi Ghanton Bursh Le Kar Tou Baitha Tha
Koi Bhi Aaj Ke Din Hum Ko Mazdoori Nahi Daita
Main Paidal Chal Chal Ke Chorangi Peh Ja Baithonga Lekin Maa
Tere Tou Ilam Mein Hoga Keh Paidal Chalnay Phirnay Se
Tere Is Laal Ko Ae Maa Ghazab Ki Bhook Lagti Hai
Tou Behtar Hai Mujhe Tu Nashta Kuch Der Se De De
Subah Din Raat Ke Hum Teen Khane Roz Khate Hein
Jo Aata Din Ki Roti Ka Bachayga Raat Kha Laingy
Ye Mazdooron Ka Din Hai Is Peh Mazdoori Nahi Milti
Zara See Der Sone De Mujhe Bhi Din Manane De
Aabi Makhnavi
No comments:
Post a Comment