Jafa o Jor o Sitam Intekhab Kar Leingy Tumhari Zulf Ke Kham Intekhab Kar Leingy

Jafa o Jor o Sitam Intekhab Kar Leingy
Tumhari Zulf Ke Kham Intekhab Kar Leingy

Kisi Tarah Tou Kareingy Diyar e Dil Roshan
Charagh e Sham e Adam  Intekhab Kar Leingy

Main Sochta Hon Yeh Faqon Mein Doobty Soraj
Faraib e Abar Karam Intekhab Kar Leingy

Chaly Chalo Keh Tajasus Ka Nam Emaan Hai
Khuda Nahi Tou Sanam  Intekhab Kar Leingy

Jo Manzilein Na Milein Rahguzar e Hasti Mein
Kisi Ka Naqsh e Qadam  Intekhab Kar Leingy

 
Poet:Saghar Siddiqui
Kulyat e Saghar
Page No 255