.jpg)
اپنے ہونٹوں پر خموشی کے سِوا کچھ بھی نہیں
یا ہمارے پاس کہنے کو بچا کچھ بھی نہیں
اُس کو کچھ کہنا تھا شاید، کہتے کہتے رُک گیا
کال کی اس نے مجھے لیکن کہا کچھ بھی نہیں
دیکھ لِیں ہم نے بِکھرتے دھجیاں انصاف کی
مِل گئی اُس کو سَزا جِس کی خطا کچھ بھی نہیں
زندگی بھر رات دن ہم کچھ نہ کچھ کرتے رہے
کس قدر مصروف تھے لیکن ہُوا کچھ بھی نہیں
وقت، طاقت، زر جواہر، دوست رشتے اور پیار
راز آخر میں کُھلا ارشد میرا کچھ بھی نہیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment