Dil Agar Chahta Nahi Tum Ko Umar Bhar Dhoondta Nahi Tum Ko

دِل اگر چاہتا نہیں تم کو
عُمر بھر ڈُھونڈتا نہیں تم کو
تم ہمیشہ ہی بُھول جاتے ہو
میں کبھی بُھولتا نہیں تم کو
تم اگر زندگی نہیں ہوتے
ہر لمحہ سوچتا نہیں تم کو
تم نہ دیتے اگر خیالِ سوال
تم سے ہی مانگتا نہیں تم کو
پیار اس کو اگر نہ تھا ارشد
رُک کے وہ دیکھتا نہیں تم کو
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania