.jpg)
گھڑی ہے وصل کی جشنِ بہار کرنے دو
مِلے ہو آج تو جی بھر کے پیار کرنے دو
ابھی ہے وقت خطا ایک اور ہو جائے
قیامتوں کو ذرا انتظار کرنے دو
غمِ فراق سے رہتا ہے حُسن بھی گھائل
یہ راز ِعشق مجھے آشکار کرنے دو
جسے ہے خوف گِنے جا کے ووٹ کی پرچی
مجھے تو زخم دلوں کے شمار کرنے دو
دئیے ہیں دھوکے بہت ناخُداؤں نے ارشد
سفینہ خان کو ملّت کا پار کرنے دو
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment