.jpg)
حاوی یہ اندھیرا مجھے اچھّا نہیں لگا
یہ کیسا اُجالا ہے جو اُجلا نہیں لگا
دُنیا میں ایک شخص ہی سب سے عزیز تھا
کیوں آج کس لیے مجھے اپنا نہیں لگا
تھیں اُس کے ساتھ ساتھ یہ دنیا کی رونقیں
پھر اُس کے بعد دل کو لگایا نہیں لگا
سچائی کی مٹھاس تھی ہر اس کی بات میں
وہ جس کا ایک حرف بھی جُھوٹا نہیں لگا
اپنائیت تھی پیار تھا اُسکی اداؤں میں
ارشد وہ غیر مجھ کو پرایا نہیں لگا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment