.jpg)
غیر سے قوم کی نامُوس کی قیمت لے کر
وہ تو تنقید بھی کرتے ہیں اجازت لے کر
اس نے پوچھا ہے مری جان کی قیمت کیا ہے
عشق ہوتا ہے کبھی یار سے اُجرت لے کر؟
اس بہانے ہمیں محرومِ تمنّا تو نہ کر
ہم اگر آ ہی گئے ہیں بُری قسمت لے کر
کتنے دن اور رہے دہر کی رونق جانے
کیا کریں گے بَھلا یہ دولت و شہرت لے کر
کیسے گنتا میں شبِ قدر کے سجدے ارشد
اُس کی چوکھٹ پہ چلا آیا محبّت لے کر
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment