Khamosh Reh Ke Bhi Woh Mujh Se Baat Karta Hai

خموش رہ کے بھی وہ مُجھ سے بات کرتا ہے
میں اُسکا آئینہ ہوں مَجھ میں وہ سنوَرتا یے
ہے ایک کرب سا اس دھوپ کی سیاہی میں
کہ جیسے چاند کبھی گہن سے گُزرتا ہے
اُسے پھر اپنے تعارف کی کیا ضرورت ہے
وہ بن کے خُوشبو فِضاؤں میں جب بکھرتا ہے
مقام آتے ہیں پستی کے آدمی کے لئیے
جب اک قدم بھی بلندی سے وہ اُترتا ہے
یہ سلسلہ بھی محبت کا منزلوں تک ہے
کون اس کے بعد بھلا کس کو یاد کرتا ہے
مِلے گا مجھ سے کِسی اور کہکشاں میں کہیں
زمیں پہ آنے سے وہ میرا دوست ڈرتا ہے
یہ کون ہے میرے اندر ہے پر نہیں مُجھ سا
نہ زندہ رہتا ہے ارشد نہ مجھ میں مرتا ہے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania