.jpg)
کوشش بھی قربتوں کی رہی دوریوں کے ساتھ
خواہش تھی وصل یار کی مجبوریوں کے ساتھ
پھوٹی نہ دل کے شہر میں امید کی کرن
تاریکیاں ہیں دور تک مایوسیوں کے ساتھ
منزل ملی نہ کوئی بھلا راہ بر. ملا
چلتے رہے یہ قافلے بہروپیوں کے ساتھ
اس نے سوال وصل پہ سر کو جھکا دیا
شرما کے کھیلتی رہی وہ چوڑیوں کے ساتھ
محبوب کیا وہ عشق میں معبود ملا دیں
کر کے تو دیکھو دوستی تم صوفیوں کے ساتھ
یہ زندگی کا دائرہ ارشد عجیب ہے
خوشیاں بھی ہیں نصیب میں محرومیوں کے ساتھ
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment