Najane Kon Tha Woh Humsafar Ya Ik Saaya

نجانے کون تھا وہ ہم سفر یا اک سایا
کہ ساتھ ساتھ کوئی تھوڑی دُور تک آیا
گُزر کے کشمکش ِزندگی سے راز کُھلا
کہ تیرا ساتھ ہی تھا میرا اصل سرمایا
سہل تھا فیصلہ اک دوسرے کو کھونے کا
گنوا کے چَین مگر ہم  نے پِھر نہیں پایا
کیا زوال کے تیشے نے عشق کو گھائل
نہ تیرا آئینہ ٹوٹا نہ حُسن کُمہلایا
شناسا کوئی یہاں ہے نہ رازداں ارشد
یہ وقت کونسی منزل پہ مجھ کو لے آیا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania