.jpg)
پُھول چہرے پہ ترے نقش سجانے والا
کِسقدر ہو گا حسیں تجھ کو بنانے والا
لوٹ کر آیا نہیں کوئی خُوشی کا لمحہ
مُجھ سے ہی رُوٹھ گیا مُجھکو منانے والا
تیری تصویر لیے پھرتا ہے دل میں ہر دَم
چوری چوری تیرے جلووں کو چُرانے والا
یاد ہیں آج بھی وہ شوخ نشیلی آنکھیں
ایسا چہرہ بھی نہیں تھا وہ بُھلانے والا
خوش نصیبی ہے ملا قوم کو سچّا رہبر
مدتوں اب کوئی تُجھ سا نہیں آنے والا
اس نے اک بار اداسی سے کہا تھا ارشد
میں اُسے کھو کے کبھی پھر نہیں پانے والا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment