اس کو جب دیکھ کے بنتی ہیں یہ انجان آنکھیں
یار پھر دیر تلک رہتی ہیں ویران آنکھیں
میری تحریر کے ہر لفظ کی نسبت ان سے
میرے لکھے سبھی افسانوں کا عنوان آنکھیں
آہ حسرت کہ رخِ یار کو تکتی ہی رہیں
جب غزل کہتی ہیں، بن جاتی ہیں دیوان آنکھیں
راستے اپنے الگ کیوں وہ کرے گا خود سے
مسترد کرتی ہیں اس کا ہر اک امکان آنکھیں
حسنِ مژگاں کے اشارے ہیں حیا کے پابند
میزبانی کے تقاضے کریں مہمان آنکھیں
وہ مری ذات کے ہر رنگ پہ رکھتا ہے نظر
ہائے مخبر یہ سدا دل کی پشیمان آنکھیں
شرمگیں، شبنمی، خود میں رہیں سمٹی یوں ہی
ہیں غنیمؔ اپنی، کبھی ہیں یہ مہربان آنکھیں
لبنیٰ مقبول غنیمؔ
Us ko jab dekh ke banti hain ye anjan ankhen
Yar phir der talak rehti hain veeran ankhen
Meri tehreer ke har lafz ki nisbat in se
Mere likhhe sabhi afsanon ka unwan ankhen
Aah hasrat ke rukh e yar ko takti hi raheen
Jab ghazal kehti hain, bab jati hain deevan ankhen
Raaste apne alag kyun wo kare ga khud se
Mustarid karti hain is ka har ek imkan ankhen
Husn e muygan ke ishare hain haya ke paband
Mezbani ke taqaze karen mehman ankhen
Wo meri zat ke har rang pe rakhta hai nazar
Haye mukhbir ye sadaa dil ki pasheman ankhen
Sharmgeen, shabnami, khud mein rahin simti youn hi
Hain Ghaneem apni kabhi hain ye mehrban ankhen
Luna Maqbool Ghaneem
No comments:
Post a Comment