چھوٹی سی کہانی تھی پرندوں کی جھیل کی
کیوں تم نے داستانِ محبّت طویل کی
تُجھ پر یقین پہلی نظر میں ہی آ گیا
کب عشق میں ہوتی ہے ضرورت دلیل کی
شہزادی تیرے خوابوں کا یہ محل ہے حسیں
ڈرتا ہوں دیکھ کر میں بلندی فصیل کی
لہجہ ہے دلگداز کہ مصرع ہو فیض کا
چہرہ اُداس جیسے غزل ہو قتیل کی
ارشد جو میزبان کے تیور بدل گئے
ہم نے بھی تب قیام کی مُدت قلیل کی
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment