ہوا ہے عشق تو کیوں شرمسار دونوں ہیں
اگر یہ جُرم ہے تو گُنہگار دونوں ہیں
یہ تنہا چاند یہ آنگن میں پھیلا سناٹا
شبِ فراق میرے راز دار دونوں ہیں
قُصور کیا تھا، بُرا کون تھا خُدا جانے
وفا کی لاش پہ اب سوگوار دونوں ہیں
سُنایا فیصلہ اُس نے جُدائی کا آخر
مجھی کو رنج نہیں اشک بار دونوں ہیں
محبتّوں میں تو سانجھے ہیں سارے غم ارشد
اکیلا میں ہی نہیں دل فگار دونوں ہیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment