Hua hai dil mein kisi ka padao bismiLlah Ke phir naseeb mein likhha hai ghhao, bismiLlah

ہوا ہے دل میں کسی کا پڑاؤ بسمہ اللہ
کہ پھر نصیب میں لکھا ہے گھاؤ، بسمہ اللہ
Hua hai dil mein kisi ka padao bismiLlah
Ke phir naseeb mein likhha hai ghhao, bismiLlah

 
مدد تمہاری سے کچھ شعر کہنا چاہتی ہوں
مِرے حصار سے مصرع اٹھاؤ، بسمہ اللہ
Madam tumhari se kuch sher kehna chahti hoon
Mere hisar se misra uthao bismiLlah

یہ میرا رونا ہے صدقہ تمہارے ہنسنے کا
مجھے رلاؤ مگر مسکراؤ بسمہ اللہ
Ye mera rona hai sadqa tumhare hansne ka
Mujhe rulao magar muskurao bismilLah

میں اپنے عشق پہ تہمت اٹھا نہیں سکتی
مِرے شعور پہ تہمت لگاؤ بسمہ اللہ
Main apne ishq pe tuhmat utha nahi sakti
Mere sha’ur pe tuhmat lagao bismiLlah

 
تمہارا پیکرِ پُرنور مجھ کو کافی ہے
شبِ وصال دِیئے کو بُجھاؤ، بسم اللہ
Tumhara paiker e pur noor mujh ko kafi hai
Shab e wisal diye ko bujhao bismiLlah

 
یہ شہرِ دل ہے، یہاں نفرتوں کا کام نہیں
وفا شناسو، محبت سے آؤ بسم اللہ
Ye shehr e dil hai, yahan nafraton ka kaam nahi
Wafa shanaso, mubabbat se aao bismiLlah

بنامِ اہلِ تمنا بنامِ اہلِ جنوں
بہ نوکِ خار ذرا جُھوم جاؤ، بسمہ اللہ
Ba naam e ehl e tamanna, ba naam e ehl e junoon
Ba noak e khar zara jhoom jao bismiLlah

 
طلب نہیں ہے مجھے اب تو سرخ پھولوں کی
مِری حیات میں کانٹے بچھاؤ بسمہ اللہ
Talab nahi hai mujhe ab to surkh phoolon ki
Meri hayat mein kante bichhao bismiLlah

 
مِری تو خیر مگر خود سے جو کِیے تم نے
مِرے حبیب، وہ وعدے نبھاؤ، بسمہ اللہ
Meri to khair magar khud se jo kiye tum ne
Mere Habib, wo wade nibhao bismiLlah

 
میں اپنی آنکھ میں آنسو کنول سجا بیٹھی
تم اپنی آنکھ میں سپنے سجاؤ بسمہ اللہ
Main apni ankh mein ansu Kanwal saja baithi
Tum apni ankh mein sapne sajao bismiLlah