.png)
حُسن نے انجانے میں کِیا کر دیا
عِشق کو دُنیا میں رُسوا کر دیا
ساری دُنیا سے لڑا جس کے لیے
آخرش اس نے ہی تنہا کر دیا
سادگی تھی یا حماقت عشق کی
حُسن نے جب جیسا چاہا کر دیا
ہاتھ رنگے بھائی کے ہی خُون سے
حِرص نے انساں کو اندھا کر دیا
ایک خوبی ہے ہمارے دور کی
اس نے قد بونوں کا اونچا کر دیا
دنیا تیرے نام سے ہے بے خبر
ہم نے اپنا وعدہ پُورا کر دیا
دی کہاں مہلت ہمیں حالات نے
وقت سے پہلے ہی بوڑھا کر دیا
اپنے ہاتھوں بیچ کر اپنا لہو
قوم کا قد تُم نے چھوٹا کر دیا
وہ جو ابن الوقت تھے ارشد کبھی
وقت نے اُن سب کو ننگا کر دیا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment