Dil Husn Tera Dekh Ke Be-Bak Tou Hoga Aashiq Hon Gareban Mera Chaak Tou Hoga

دِل حُسن تیرا دیکھ کے بے باک تو ہو گا
عاشِق ہوں گریبان میرا چاک تو ہو گا
دل کے کسی بے نام سے گوشے کو ٹٹولو
تُم کو میرے احساس کا اِدراک تو ہو گا
کافر سے کوئی رحم کی اُمّید نہ رکھنا
ایمان نہیں قلب میں سفّاک تو ہو گا
دیکھو گے کسی روز مُجھے نظریں مِلا کر
پردہ  یہ نِگاہوں کا کبھی چاک تو ہو گا
ارشد غمِ فُرقت نے یہ دِل راکھ کیا ہے
یہ جِسم بھی اک روز یُوں ہی خاک تو ہو گا
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania