Kia Hai Tay Keh Koi Ab Sawal Bhi Na Ho Hum Is Tarah Se Juda Hon Malal Bhi Na Ho

کِیا  ہے طے کہ کوئی اب سوال بھی نہ ہو
ہم اس طرح سے جُدا ہوں ملال بھی نہ ہو
نقوش اتنے ہی  یادوں کے چھوڑ  کر جانا
کہ دل کو بوجھ  اُٹھانا  محال بھی نہ ہو
میں اس قدر بھی محبّت میں گِر نہیں سکتا
کہ بھول جاؤں تجھے اور  ملال  بھی نہ ہو
چُھپا ہے کرب  محبّت کا اِس تغافُل میں
میں ٹُوٹ جاؤں اور اس کو خیال بھی نہ ہو
یہ کون دِل کے شبستاں میں بس گیا ارشد
حسین ایسا کہ جِس کی مثال بھی نہ ہو
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania