عبث ہے عشق کوئی اور کام کرتے ہیں
سُبو و مۓ کا چلو اہتمام کرتے ہیں
چمن میں ڈھونڈتی ہیں تتلیاں تجھے پیہم
چٹک چٹک کے شگوفے سلام کرتے ہیں
مکاں بلند بناتے ہیں شہر کے باسی
چند ایک روز ہی یاں پر قیام کرتے ہیں
ہر اک صدا کا احاطہ کئے ہے خاموشی
زبانیں گُنگ ہوں جب وہ کلام کرتے ہیں
گریباں چاک اکیلا ہوں شہر میں ارشد
یہاں کے لوگ میرا احترام کرتے ہیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment