میں کہ پھر روئے بنا رات نہیں کرتا نا
جب کوئی مجھ سے تری بات نہیں کرتا نا
میں اِسے اِس لیے ہر بات بتا دیتا ہوں
آئینہ مُجھ سے سوالات نہیں کرتا نا
اِس لیے اُس کے سبھی جھوٹ بھی سچ مانے ہیں
وہ بِنا روئے کوئی بات نہیں کرتا نا
پارسائی پہ مری اس لیے شک ہے اس کو
بَرملا میں جو کرامات نہیں کرتا نا
آپ بھی ویسے ہی پامال کِیا مت کیجیے
جیسے میں آپ کے جذبات نہیں کرتا نا
اتنے لوگوں میں مجھے یوں نہ دِکھاؤ آنکھیں
اچھا بابا میں کوئی بات نہیں کرتا نا
No comments:
Post a Comment