وہ میکدہ ہے نہ بادہ، خُمار مُشکِل ہے
پُرانا دوست مِلے غم گُسار مُشکِل ہے
کسی سے گفتگو کرنے کو دل نہیں کرتا
تمہارے بعد کسی سے بھی پیار مُشکل ہے
چمن میں شور ہے پھر موسمی عنادل کا
خزاں یوں آئی ہے اب کے بہار مُشکل ہے
دیے ہیں تُو نے مجھے زندگی بہت دھوکے
اب اس کے بعد تیرا اعتبار مُشکل ہے
میں تیرے ساتھ ہوں کہتا ہے صبر کر ارشد
بتاؤں کیسے اُسے انتظار مُشکل ہے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment