نگاہِ فقر میں شانِ سکندری کیا ہے
خراج کی جو گدا ہو، وہ قیصری کیا ہے
بُتوں سے تجھ کو امیدیں، خدا سے نومیدی
مجھے بتا تو سہی اور کافری کیا ہے
فلک نے ان کو عطا کی ہے خواجگی کہ جنھیں
خبر نہیں روشِ بندہ پروری کیا ہے
فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے
کسے نہیں ہے تمنائے سروری لیکن
خودی کی موت ہو جس میں، وہ سروری کیا ہے
علامہ محمد اقبال
Nigah e fuqr mein shan e sikandari kia hai
Khiraj ki jo gadaa ho wo qaisari kia hai
Buton se tujh ko umeeden, Khuda naumeedi
Mujhe bata to sahi aur kafiri kia hai
Falak ne un ko ataa ki hai khwajgi ke jinhen
Khabar nahi, ravish e banda parwari kia hai
Faqat nigah se hota hai faisla dil ka
Na ho nigah mein shokhi to dilbari kia hai
Kise nahi hai tamanna e sarwari lekin
Khudi ki maut ho jis mein, wo sarwari kia hai
Allama Muhammad Iqbal
No comments:
Post a Comment