چاند دھرتی پہ سجایا ہوا تُو لگتا ہے
میرے اس دل میں سمایا ہوا تو لگتا ہے
ساری دنیا میں کہاں روپ ہے تیرے جیسا
کیا ہی فرصت سے بنایا ہوا تُو لگتا ہے
ایسی خوشبو سے تو واقف ہوں میں اے جانِ بہار
جیسی مہکار ہے آیا ہوا تُو لگتا ہے
ایسا کیوں ہے کہ مرے پاس نہیں تو لیکن
مجھ کو سینے سے لگایا ہوا تُو لگتا ہے
دل دھڑکتا تھا یہ پہلے بھی مگر جانِِ غزل
اب تو دھڑکن میں بسایا ہوا تُو لگتا ہے
تجھ کو دیکھا ہے تو احساس ہوا ہے صائم
میری خاطر ہی بنایا ہوا تُو لگتا ہے
عابد حسین صائم
No comments:
Post a Comment